للكليات

[جاسم العبيدي]

للكليات
---------------------------------
آطالب بالعدل يطبق القانون
موانا آنشمل والأنثى يعفيها
أحاسب على اللبس انطردمن الباب
... ... ... والمخصرةالجسم محد يحاجيها
مسموح التبرج والأهل غمان
وهي بلا خجل وآبليس غاويها
لاينفع شرف لاغيرة لاناموس
كلها مصبغة واللبس خازيها
بنية مجسمة وتتمشى وي طلاب
يادين السمح ياشرع يرضيها
تكرصهاالعبايةاللتلبس علراس
بيهاآشواك أظن وتبز تظل بيها
يعجبها البدي والدلع والستريج
وكومة من الزلم تتفرج عليها
ديمقراطي البلد والناس بيه احرار
تلبس تعتري شعلينا خليها
بس لاتنعكس ياناس الموازين
وصاحبت الشرف محد يحيَها
المفرعةالشعرصارونعم لبيك
نقدرها وبعد بالغالي نشريها
صبح لبس الحصرأرقى الثقافات
والمغطية الوجه متخلفة ندعيها
صفت دورالعلم للمنكر احضان
وافعال الغرب أحنة النسويها
واذا واحد تورط وانتقد فد يوم
ألف شيطان يفزع ينتخي ليها
بيانات آطلعت تتلوا البيانات
حقوق انسان ممنوع اليعاديها
أذا محد تحرك غير الحال
كليــــة فسق لازم نسميها