قصيدة// يالموالي هذا الحسين أنذبح بيد العميل ....

[مهندس معماري]

يالموالي هذا الحسين أنذبح بيد العميل

أنهض وهيج المشاعر من جديد... هذا مولاك الحسين أكطعوا نحره من الوريد
أنهض ولاتبقى ساكت على العبيد .... حسين قاد الثورة لكن جم يزيد
أنهض وروي الرسالة لخطت بدم الوريد
حسين ثورة وجن جبل لا ما يميل ...... يالموالي هذا الحسين أنذبح بيد العميل

لوسئلت الروح مرة ليش لحسين أنجتل .... مبدىء الأيمان هو ومثله ماواحد فعل
ضحى بأغلى من حياته وضحى بأنصار وآهل... رفض جلمة ونصر دينه هذا أبن خير العمل
ليش هل المبدء نضيعه بالعويل ..... يالموالي هذا الحسين أنذبح بيد العميل

أذرف دموعك وأنحب على القتيل .... بالشعائر واللطم وهذا قليل
بس لتنسى المقصد بيوم الرحيل ....حسين صورة جمى تستاهل جميل
لا تضيع المطلب الي راده العليل.... يالموالي هذا الحسين أنذبح بيد العميل

منهج الثوار واضح والقصد نوفي طريقه... كل رساله وألها معنى حسين عنوان الحقيقة
بثورتة صحى الجماجم والعقول الماتطيقه... رسم خط الغيره لاجن ياهو يتحمل طريقة
بس أنصحك يوم عنه لاتميل... يالموالي هذا الحسين أنذبح بيد العميل

وسفة جم واحد يكول أنه موالي ... وهو بايع كل صفاته وصار مثلى للملالي.... باع دينه بسعار بخسى يصيح ياعمي شجرالي
حيل بيه الباع دينه للدخيل..... يالموالي هذا الحسين أنذبح بيد العميل

الحكومات بنهجها تعادي كل مسلم أصيل... تريد منه البيعة غصباً حتى يصبح عميل
تسرح وتمرح تنافق وهي على المجني تعيل .... بالدين تتحدث حجيهه تكول ماآلها مثيل
شوف نفسك وأنتبه يأبني الأصيل... يالموالي هذا الحسين أنذبح بيد العميل