اتمنى لو شفتوني يا خويه من عفتوني

[الم الرحيل]

اتمنه لوشفتوني يا خويه من عفتوني
بالدمعه الهماله وحاله اشد من حاله
يا خويه من عفتوني
*****************
بين العده ومتيسره واعله الهزل مشدوده حال الكدر يا حالي
بعيوني دمع العبره ولرض الغرب مكيوده امشي وشمر يبرالي
مسبيه وانه الحره عند الكفر وجنوده وندب صحت يالوالي
هاي انه ضنوة حيدر بيد الكفر اتيسر
ضعني الشمر يبراله وحاله اشد من حاله
يا خويه من عفتوني
مذبوحه كل ولياني واهل الشرك محتفله تحرك تريد اخيامي
وانه بجمع رضعاني وجمع الحرم متكفله والكلب مني ضامي
نار احركّو صيواني وشجم طفل وي طفله شفته وكع جدّامي
شفت الحرم والرضعان متروعه تمله الميدان
وضعني غده بعياله وحاله اشد من حاله
يا خويه من عفتوني
رضعاني وسط الحومه بين العده ومحتاره ما تنوصف حالتها
بنار العطش مالومه والكلب تلهب ناره وتفطرت مهجتها
عدواني الميشومه كل ساعه وتشن غاره ما بطلت هجمتها
جارت يخويه اعلينه وما مش ولي يحامينه
شوف الدهر وعماله وحاله اشد من حاله
يا خويه من عفتوني
وحدي حرت بالميدان المن ادير اعيوني والمن احشم وندب
ما ضل بعد كل وليان من اندب يسمعوني وينطوني شنهو الاطلب
طوكني طوك الاحزان من اخوتي ماجوني ولا جابو الماي اشرب
وحدي وصفيت بحيره وبلا ولي بهالديره
فكري انشده بحواله وحاله اشد من حاله
يا خويه من عفتوني
لحسين اصدن مذبوح واصرخ صحت يا عباس ويالقاسم ويالاكبر
عيني اعله دمهم مسفوح ومگطعين الانفاس فوك الترايب بالحر
ما عندي ضل غير النوح من يسرتني الارجاس شوني الله اكبر
خويه اصبحت بين اعداك عكب الخدر والعز ذاك
حالي اشعجب ترضاله وحاله اشد من حاله
يا خويه من عفتوني
***********
خادم الامام الحُسين الشاعر ابو ايمان المجراوي