محرابك افنى السجان

[رحيم الحسيني الحسناوي]

محرابك افنى السجان ... يبن علي والقراان

وبك الطاغي تحير ... سيدي موسى بن جعفر

يبن علي والقراان

من يمر صمت الليالي سيدي بدمعاتي اذكرك

وروحي تنعاك وتنادي ريت انه باسرك حضرتك

ياسليل اهل الرساله فتت اهل الدنيه صبرك

سر الاهي وما يعرفه غير اله الكون سرك

ازمان تمضي وتزول ... وشعاعك كالشمس يجول

يبن فاطمة وحيدر ... سيدي موسى بن جعفر

يبن علي والقراان

من زمن مولانه حيدر حاربو نور الرساله

وشدو اعقاد العداوه تكصدو مس الاصاله

حاولو طمس الحقيقه وغيرو مسرى العداله

سيدي وصبرك هدمهم وهشم صروح النذاله

كنت لها حقاا وتكون ... وتهاوى قصر المجنون

واعتلى صوت وكبر ... سيدي موسى بن جعفر

يبن علي والقراان

موسى بن جعفر امامي بالشدد قلبي يندبه

وعن بعد روحي تزوره وناضري دوم اعله دربه

شافعي وراية يقيني سلمي سلمه وحربي حربه

وابقه للمحشر موالي والعهد بالدم اكتبه

تفديك نحور الاحرار ... وننادي يبن الكرار

انت حب لا يصور ... سيدي موسى بن جعفر

يبن علي والقراان

على الجسر نعش الاطايب لا اهل يمه وحبايب

ومن سجون اهل الضغينه شالته جفوف النواصب

هضمه يا دار الهواشم تنحر عليج النوايب

والدهر سل كل سيوفه واعتنت ليج المصايب

تبقى بمرور الازمان ... بيتا تملئه الاحزان

دمعنا فيك تفجر ... سيدي موسى بن جعفر

يبن علي والقراان

يا ابن اعضم عقيده ياسليل الهاشميه

الحصل لك امتداده للحصل بالغاضريه

حاربوكم يا امامي بغضا لحامي الحميه

تواصو على اهل النبوه والاسود الفاطميه

تنعاك عيون وعيون ... وسيصلى ناراا هارون

اسمك الحق المظفر ... سيدي موسى بن جعفر

يبن علي والقراان

رحيم الحسناوي