حسبالك نخاف ومانروح انزور ... روعة الشعر الشعبي

[الأستاذ]

بصراحة أنا سامع القصيدة من زمان وكنت أعرف الشاعر بس للأسف نسيت اسمه وهي من القصائد الشعبية الرائعة

حسبالك نخاف ومانروح انزور

توقف بالدرب وجلابك اتهدهن

جماعية المقابر نصها للزوار

مو انت التردهن ذاك ماردهن

عليه صاير مجاهد لحيتك شبرين

وثياب الغجر للركبة لابسهن

سفارة بكل بلد مبنية لسرائيل

اذا انت مجاهد روح فجرهن

تقطع راس شيعي وتدعي الاسلام

وبراسك جنان اتريد تدخلهن

عبادة حجارة الشيعة ليش اتقول

لان عقلك حجارة وذني يعقلهن

دكلي انت شمالك من الترب مغثوث

جاي اسجد عليهن ماسجدت الهن

مثل ماحضرتك تسجد على السجاد

شو محد يكلك ليش تعبدهن

قصدنه المحتوى مو بالضريح انبوس

ولا تعني المعادن النه بوستهن

بس ندري بعلي واكف ورى الشباك

واندني الشفايف حتى يختمهن

ينعرفن لأن مادام مختومات

الله يحرم على النار جويتهن

وكلك على الولاية وعصمت اهل البيت

انت بيا شريعة تريد تنكرهن

ولايتهم جنح وأعمالنا احنه طيور

اذا نقطع جنحهن ياهو يرفعهن

ماتصعد صلاته الينكر الكرار

لأن طرق السمه بس علي يندلهن

على الرد الشمس أكبر جسم بالكون

بس جفوف سائل يعجز يردهن

علي اللبس الخادم ثوب أجد من ثوب

وثيابه السمل للموت لابسهن

علي ولولا علي كلهن يحلهن جان

وعلى اللي مايحلهن حيدر يحلهن

نعم من موسى اكرم انت يالكرار

وحك وادي طوى والكله اخلعهن

لو موسى النبي داخل طوى ابنعليك

جان رب العرش كله ابقى لابسهن

خيبر يفتهم ما عاندك على الباب

بس يعاندك حيطانه تشلعهن

اسرع منطلق بالدنيا هوالضوء

وانت النور حيدر يعني اسرعهن

ليش التكص راسه عيونه مفتوحات

مايلحك عليك اشلون يطبكهن

لذلك بالحرب يتلمسون الروس

من تخطف عليهن خاف كاطعهن

والبطران اجاني يكلي ليش اتزور

ومن يكول الكبور اتفيد زايرهن

ولك شوف القبب مابيها لثك اتراب

جبرائيل ينزل بيده يمسحهن

لو مسلم صدك اتناقش آنه وياك

بس اصلا حرام افكارك اسمعهن

عصت موسى آية وتخدم الأغنام

لأن ربنا الغنم على العِصه فضلهن

وافضل من محمد عندك العصاة

تفاهاتك هذوله اشلون اناقشهن

معروفة المذاهب سنة شيعة اخوان

انت منين لا منهم ولا منهن

تضل خمسه الاصول الرابع الكرار

وتبقى الكبائر سبعة وانت ثامنهن

[فوادالركابي]

ماتصعد صلاته الينكر الكرار

لأن طرق السما بس علي يندلهن


على الرد الشمس أكبر جسم بالكون

بس جفوف سائل يعجز يردهن


علي اللبس الخادم ثوب اجد من ثوب

وثيابه السمل للموت لابسهن


مشكور استاذنا الغالي على القصيدة

[ابو بسام قصار]

معروفة المذاهب سنة شيعة اخوان

انت منين لا منهم ولا منهن

تضل خمسه الاصول الرابع الكرار

وتبقى الكبائر سبعة وانت ثامنهن

[الأستاذ]

المشاركة الأصلية كتبت بواسطة فوادالركابي

ماتصعد صلاته الينكر الكرار

لأن طرق السما بس علي يندلهن

على الرد الشمس أكبر جسم بالكون

بس جفوف سائل يعجز يردهن

علي اللبس الخادم ثوب اجد من ثوب

وثيابه السمل للموت لابسهن

مشكور استاذنا الغالي على القصيدة

شكرا لهذا المرور العطر أخي فؤاد بارك ألله فيك

[الأستاذ]

المشاركة الأصلية كتبت بواسطة ابو بسام قصار

معروفة المذاهب سنة شيعة اخوان

انت منين لا منهم ولا منهن

تضل خمسه الاصول الرابع الكرار

وتبقى الكبائر سبعة وانت ثامنهن

شكرا لهذا المرور العطر أخي أبو بسام بارك ألله فيك

[النمر]

مشكووور اخويه

الغاالي الاستاااذ

على الكلمااات الرائعه

باارك الله فيك