مولاتي زينب تخاطب مولاي الاماام الحسين ومولاتي ام البنين عليهم السلام

[النمر]

السلام عليك يا ابا عبد الله وعلى الارواح التي حلت بفنائك , عليك مني سلام الله مابقيت وبقي الليل والنهار

السلام على الحسين وعلى علي بن الحسين وعلى اولاد الحسين وعلى اصحاب الحسين.

_____________

رديت الك يبن النبي
من الاسر عكب السبي
كَلبي تفطّر وانهظمْ .
***

ابياعين اشوفن كربله
جيتك يبن عقد الوله
للشام رحت امكبله
وياي كل العائله
والحرس ماعدهم رحم ْ.
***
هنّه ابن اميه ابمجلسه
السجاد ابنك خورسه
اتلقن درس ما ينسه
واوغاده كلهم جالسه
ونصّين ديوانه انجسمْ .
***
اشلون اردن للوطن
لَمك شكَلهه وللحسن
من الزلم خالي الظعن
السجاد بالعيله امتحن
بينه امتحن فوكَـ الا لمْ .
***
شحجي على الصار وجره
لأم البنين الفاخره
للشام رحت ميسره
وعباس سبع الكَنطره
عالمشرعه راعي العلمْ .
***
يا ام البنين الطاهره
اطفال تاهت بالعره
الزلم كلهه موذره
عبد الله كَطعوا منحره
بالسهم عبد الله انفطمْ .
***
اويانه النصاره اتعاطفت
عل الصار بينه اتأسفت
من شافت الحاله بجت
والعرب بينه تشمتت
منهم فرح منهم شتمْ .
***
ردينه لديار النبي
عكَب اليسر عكَب السبي
نشكيله عل بينه سده
من ال أميه الفاسده
من ال امية الحاقده .
__________________