وقفه مع سيد الشهداء ع ( لوحة الروح )
يدك بسمار حزنك لوحة الروح
ويعت بيهه الهوى وجور المصيبه
نحب منهه الدليل وشببت جروح
على زلم العالثرى توارت خضيبه
شعجب عالغبره كل اهلك يوننون
الفواطم ليش مذبوحه وتريبه
واخت عباس ليش اببين الاجناب
وتون يحسين بالهيمه وغريبه
السهم ادري المثلث اوجر وياك
وجرح قلبك فلا بششر طبيبه
وانه ادري عيونك على الصارو شتات
الحرم واطفال والحر ولهيبه
تكلي شلون صرت بولية عداك
الشمر يكعد على صدرك .. عجيبه
اديك امبتتره وراسك عالرماح
وجسد خيل الكفر تصبح نصيبه
همل دمعي واحسهه موجره حشاي
وشسولف حالتك والله رهيبه
اكول وادري ما الحك على الصار
الجسد كون اللذي صابك يصيبه
رحيم الحسناوي
|