منتديات فدك الثقافية - الفخر لام البنين ع , نزله

منتديات فدك الثقافية (http://www.afadak.com/forum/index.php)

- منتدى الشعر الشعبي (http://www.afadak.com/forum/forumdisplay.php?f=38)

- - الفخر لام البنين ع , نزله (http://www.afadak.com/forum/showthread.php?t=4901)

الفخر لام البنين ع , نزله

جيمة يزيد زلمهه مخضبه ... وصاحو الغوث يجاتل مرحبه

من تصول اهل اليقين ... والفخر لام البنين

زلم كلفه مجرربه
ــــــــــــــــــــــــــــــــــــــــــــــــــ ـــــــــــــــــــ

لاوين لاوين تصد هاي الجيم ... هيهات هيهات تمسسون الخيم

شلون الانذال تميل على الحرم ... وبينا عباس يرف بايده العلم

سيفه عالكافر انين ... والفخر لام البنين

زلم كلفه مجرربه

والله والله نزلزلهه الارض ... ونفرض الدين على الكافر فرض

جمره سجيل عليكم ننتفض ... ويبكه نوماس ثرى الزهره وعرض

نمحي بيه الحاقدين ... والفخر لام البنين

زلم كلفه مجرربه

لبيك لبيك يبن حيدر علي ... نفديك نفديك يمولانا الولي

ونفوز وياك يحيد ونعتلي ... هيهات هيهات حرمكم تنولي

نفدي لك عمر وسنين ... والفخر لام البنين

زلم كلفه مجرربه

هاليوم هاليوم نوججر كربله ... بالسيف بالسيف نعدل المايله

وجيش الاحقاد بادينه نزلزله ... نفنيه لحسين ونحامي العايله

احنه لاهل الحك نعين ... والفخر لام البنين

زلم كلفه مجرربه

من صاح عباس عليهم يخوتي ... داحي الباب يعاين رايتي

صولو عالكوم يخوتي بصولتي ... لنصرة حسين حبيبي ومهجتي

صيحو نفدي الطيبين ... والفخر لام البنين

زلم كلفه مجرربه

جاوين جاوين يروح المعتدي ... عالروس عالروس حسامي وموردي

لحسين وففاي ابد من مولدي ... وافديه بالعين سليل الفرقدي

واانه خادم للامين ... والفخر لام البنين

زلم كلفه مجرربه

عباس عباس تبسسم للجرى ... وشبول كرار دمايه على الثرى

وففاي لحسين يسبع الكنطره ... كر عين كرار شبل خير الورى

بالشدايد صابرين ... والفخر لام البنين

زلم كلفه مجرربه ... زلم كلفه مجرربه

رحيم الحسناوي