منتديات فدك الثقافية - يمهدينه ,لمولد الامام الحجه (عج)ع ص س

منتديات فدك الثقافية (http://www.afadak.com/forum/index.php)

- منتدى الشعر الشعبي (http://www.afadak.com/forum/forumdisplay.php?f=38)

- - يمهدينه ,لمولد الامام الحجه (عج)ع ص س (http://www.afadak.com/forum/showthread.php?t=3295)

يمهدينه ,لمولد الامام الحجه (عج)ع ص س

هل الفرح كله وياك ... والدنيه اجت تتلكاك ... يمهدينه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

يبن الامامه ويا كمرنه العالي ... انته الضخر يالحادي وانته الوالي

يبن الحسن غالي اسمك وضل غالي ... افدي اسمك بروحي وحياتي ومالي

مشتاكه روحي لملكاك ... والدنيا اجت تتلكاك ... يمهدينه

قائم محمد انته وانته الرايه ... ثار الحسين انته وسليل الاايه

ردنه الطفوف بنورك محننايه ... تلكانه فدوه لشخصك ووفايه

مرعوبه بسمك عداك ... والدنيه اجت تتلكاك ... يمهدينه

يالماترجع اليطلبك وضيوفك ... والقلبه اممن بالحقيقه يشوفك

سيوف الكرامه يا امامي سيوفك ... هيهات اعوفك والحسن ماعوفك

بروحه الموالي يفداك ... والدنيه اجت تتلكاك ... يمهدينه

ذوله النواصب رافضه يسممونه ... يالمهدي نترك منهجك يردونه

لا والتجندل عالنهر وضعونه ... ما نترك الحكك وهله ومضمونه

منصوره بالحك يمناك ... والدنيه اجت تتلكاك ... يمهدينه

طففينه بسمك صيت اميه وعينه ... هوه النفس يالمهدي حبك بينه

يخسه وذليل الفككر يعادينه ... حبينه ال المصطفى حبينه

ننطر يحامينه لواك ... والدنيه اجت تتلكاك ... يمهدينه

زودك يبن حيدر علينه وزوده ... والغيره بيك من العضيد وجوده

الزهره كل مجلس ذكر موجوده ... تنطر طلعتك سيدي الموعوده

كل الموالين وياك ... والدنيا اجت تتلكاك ... يمهدينه

رحيم الحسناوي