|
صـرخة وطــن
أمس مر الوطن طيف أعله بالي يلوح خريطة أتجسدت وبصورة الأنسان عاتبني الوطن مثل أم ولد مفكود حلك واحد شفت بس بيه مية ألسان كتله أرد أنشدك هذا المصاب أمنين ! هم من الغدر تتوالد الغربان ؟ هم شفت السيوف تلوج وألهه اسنون ؟ لو موسم حصاد بمنجل العميان ! هم ردت هند بالوحشي تطلب ثار ؟ والحمزه تغدرة بحومة الميدان هم رد المرادي بسيف غدره يحوم ؟ نفس المسألة بس غيروا عنوان جاوبني الوطن ودموعه تجري دموم لا .. موش بحلم صدكيني مو حلمان يعراق المصايب جلجلت كارات أرهاب ويهود ومحتل أمريكان دك بابي الحزن حسبالي أجد خطار سكن كل دور أهلنه ولبسانه احزان فضت والفيض عندي نهر من ادموع ودمعات المصايب ترست النهران من حزن المصايب ربح كل بزاز طول اقماش الأبيض صارت ألنه اجفان أنه بصبري أحيرن وابقه ألولي اعليه اخافن ينتفض بيه ويطك بركان يمته نثور نصرخ لو سكتنه نموت غركت هالسفينه البيهه ألف سفان هلي ... مو من شيمهم نامو بليل هلي العشرين همه البيه الف عنوان هلي فرشو رداهم حدر جدم الضيف هلي ماعون مملي أيشّبع الجوعان على صوت التفك ركصوا عمامي اسنين او طرب عدهم تفكهم لو نزل ميدان يمته الغيره تصرخ رادتلهه أرجال تشد أحزام حيلي ابشَدة الخوان هايبني أريدك تركض أعله الموت واشوف وسام جرحك بالصدر نيشان إذا بساعة الشده الوطن يتنخاك وإذا ماتنطي روحك مو عراقي الآن وإذا ماتنطي روحك مو عـــــــــراقي الآن |
رد: صـرخة وطــن
مشكورة اخت الم الرحيل على القصيدة وان شاء الله الخير جاي للعراق على ايدي العراقين الشرفاء الذين سوف ننتخبهم باايدينا لكي لا نحمل العراق والعراقين الكثير من الجراحات |
رد: صـرخة وطــن
|
رد: صـرخة وطــن
اقتباس:
مشكووره يااغااليه على القصيده الرائعه والكلماات النابعه من روح المحبه مشكووره عاشت الايادي |
رد: صـرخة وطــن
كم أسعدتني زيارتك المتميزه لموضوعي وتدوين ردك لك مني اصدق التحايا واعذبالأماني |
رد: صـرخة وطــن
اللهم صلي على محمد وال محمد
كلمات تراها العين مره لكنها تدخل القلب بالمره |
رد: صـرخة وطــن
يسلم لسانك
والله انتي من العربيات الاصيلات التي كنت اتمنى لو تكوني عراقيه |
رد: صـرخة وطــن
يعطيك العاااافية سلمت الايادى التى كتبت فى موضوعى |
تطوير واستضافة: شبكة جنة الحسين (عليه السلام) للإنتاج الفني الساعة الآن: 02:59 PM. |
Powered by vBulletin 3.8.4 © 2000 - 2025
جميع الحقوق محفوظة لـ: شبكة فدك الثقافية