منتديات فدك الثقافية

منتديات فدك الثقافية (http://www.afadak.com/forum/index.php)
-   منتدى الشعر الشعبي (http://www.afadak.com/forum/forumdisplay.php?f=38)
-   -   ومضات شعرية بحق الامام علي عليه السلام (http://www.afadak.com/forum/showthread.php?t=7356)

جاسم العبيدي 12-12-2011 01:54 PM

ومضات شعرية بحق الامام علي عليه السلام
 
حين طلـــكت مريم بعيسى المسيح
جــــــــــــــذع نخله ياخلك هالهزته
وحين طلكت فاطمه بحامي الدخيل
جـــــــــدار بيت الباري والله طرته


طـــــــبع بالنسوان من تطللك تصيح
ياالاهــــــــــــــي برحمتك احضر الي
وحـــــين طلكت فاطمه بحامي الدخيل
بصـــــــوت صاحت ليه احضر ياعلي


ليش بالكعبه انولد حامي الدخيل
باي مكان المرتضى جــان انولد
كـــــــــل مهد ما يلم جفــك علي
ولذالك صــــــــــارت الكعبه مهد



انتـــــــه جفك ياعلي امره عجيب
صـــــــــــــار للاسلام ياحيدر رمز
ســاعه اشوفه بالحرب يكطع راكاب
وســاعه اشوفه ياعلي يوزع خبز



سيف حيدر لو وكع فوك الركاب
يخــــطف اركاب الزلم من وحده
ويمــــــــه عزرائيل يكعد مايكوم
خــــاف راسه ينخطف ويه العده




سيفــــــــــك الزلزال ياحامي الدخيل
يعــــني تفني الكون لوصار الحراب
شلون صـب الماي والله اعالروؤس
جان سيفــــــك سيدي يصب العذاب


لـــيش ربك حلل علينه السجود
عالتراب وماكو علينه الحساب
لان لجـــــلك انخلق كل الوجود
فلذالك جاز نسجـــــــد عالتراب


الـــــكرم طبعك نعم يبن الاصول
واليمــــوت ويندفن تحت التراب
يعــني خطارك علي بيوم الممات
ومايمسه كـل ضرر يوم الحساب


يعـــني معقول علي اتطبرك سيوف
وانته عـــــــــــرش الله يقبل هامتك
هـــــــــوه راد السيف ايصلي وراك
ومــــــالكه موضع سجود بحضرتك
فالذلك شــــــــــــاف هامك من بعيد
اتقــــــــدم السيف وسجد في هامتك


ومــــا اصدك ياعلي انته التموت
ومــا اصدك بالصلاة انته الطحت
انتـــــه ياحيدر علي الحق المبين
ويعني مات الحــق اذا انته المتت

حسينية الهوى 12-16-2011 12:52 AM

رد: ومضات شعرية بحق الامام علي عليه السلام
 
الـــــكرم طبعك نعم يبن الاصول
واليمــــوت ويندفن تحت التراب
يعــني خطارك علي بيوم الممات
ومايمسه كـل ضرر يوم الحساب

اللهم ثبتنا على ولاية الامام الحق علي ابن ابي طالب سلام الله عليه

احسنت اخي الفاضل
رائعة جدا هذه الومضات

خالد الاسدي 02-01-2012 08:52 PM

رد: ومضات شعرية بحق الامام علي عليه السلام
 
أحسنت أخي على هذا ألمجهودك الرائع والمتميز ننتظر تجديدك
وفقكم الله لمرضاته وتقبل الله طاعتكم بأحسن القبول

روح البتول 02-01-2012 11:42 PM

رد: ومضات شعرية بحق الامام علي عليه السلام
 
احسنت تسلم afadak17


تطوير واستضافة: شبكة جنة الحسين (عليه السلام) للإنتاج الفني

الساعة الآن: 02:53 AM.

Powered by vBulletin 3.8.4 © 2000 - 2024
جميع الحقوق محفوظة لـ: شبكة فدك الثقافية