منتديات فدك الثقافية

منتديات فدك الثقافية (http://www.afadak.com/forum/index.php)
-   منتدى الشعر الشعبي (http://www.afadak.com/forum/forumdisplay.php?f=38)
-   -   من أروع قصائد المرحوم رحيم المالكي (http://www.afadak.com/forum/showthread.php?t=740)

الأستاذ 12-09-2009 01:51 PM

من أروع قصائد المرحوم رحيم المالكي
 
كتب الشاعر المرحوم رحيم المالكي هذه القصيدة في زمن كان من الصعب جدا التفوه بمثل هذه الكلمات بسبب بطش النظام الوحشي السابق لكنها كانت أرادة ألله ألتي أحيت هذه القصيدة الخالدة للشاعر المرحوم رحيم المالكي (( الى ألآن تجري يافرات ))



الى الان تجري يافرات؟؟؟
شلون تجري ومايك ازرك يافرات؟

وانته ذنبك مو ذنب يكطر دمه
تسابكت بالطف على حسين السيوف
ومايك اول سهم في صدره انرمه
جان مايك احد من كل السيوف
حيل أثر بالحسين وألمه

بس بنات المصطفى حر الجبود
حسين حر وهاي للحر تلجمه
وعطش عبدالله اللي فرفح بين اديك
كطع كماطة ولعد مايك ومه
طاح ابو السجاد يم جرفك شهيد
بين سيفين العدى وسيف الظمه
انا لو منك اودي ويه الطيور
الماي خاطر منسئل ليش ولمه
لاجن انته تريد تذنب يافرات
وهاي ماتحتاج شرح وترجمه


انفرط عقد الدين وعيونك تشوف
وجان ممكن شربه منك تلظمه
عطشيت الدين عن بكرة ابيه
وكطعيت جفوف سبع الموزمه
تدري لو مايك وصل يم الخيام
جا روه العباس منهم صارمه
وجان ما ردت رؤوس على الرماح
جان ردت خيلهم تكطر دمه
شلون طاح حسين يم جرفك شهيد؟
وما ركض مايك لعد جدمة انرمه
طاعت اسماعيل صحراء الحجاز
وانته شح مايك لابن حامي الحمة
ما ظن اسماعيل افضل من حسين
وما اظن امه اتقدم فاطمة
ذاك ابن واحد سأل رب الجليل
كيف تحيي الموته وترد قائمه
وهذا ابن حيدر علي سيف الرسول
المايخاف بدينه لومة لائمه
الكال لو ينكشف عن عيني الغطاء
مايزيد من اليقين الفاهمة
يافرات وبعد تجري يافرات؟
المايشوف الحك عسه بعينه العمه
كوم طم روحك حدر كبر الحسين
واغتفر لله واطلب مرحمه
كوم واغسل مايك برمل الحسين
وخلي مايك يا نهر يتيممه
الفرق شوفه بينك وبين الكرام
حسين شاف الدين عطشان لدمه
ضحه باخر قطرة من دمه الشريف
وظلت آخر قطرة ثورة وقائمه
حسين اصل الجود وانته اصلك نهر
ويا نهر للنبع انطه وكرمه
حسين صافي واصفى من ماي الجنان
وانته اصلك طين وجروفك طمه
حسين لو منك شرب جان ارتويت
وجا تشرف مايك ولامس فمه
لكن انته الحظ عماك وتيهيت
وسوء حظك رادلك هالخاتمة



الشاعر المرحوم
رحيم المالكي
بغداد 1997

ابو بسام قصار 12-09-2009 02:52 PM

رد: من أروع قصائد المرحوم رحيم المالكي
 
جزاك الله خيرا تقبل مروري

الأستاذ 12-09-2009 10:43 PM

رد: من أروع قصائد المرحوم رحيم المالكي
 
شكرا لمرورك عزيزي ابو بسام

كاظم الاســدي 12-11-2009 01:44 AM

رد: من أروع قصائد المرحوم رحيم المالكي
 
قصيدة رائعة وجميلة للمرحوم الشهيد رحيم المالكي
الف شكر اخي ابو علي

كاسر ألاشواك 12-11-2009 07:25 PM

رد: من أروع قصائد المرحوم رحيم المالكي
 
قصيده جميله للشهيد رحيم المالكي

عاشت الايادي اخي الاستاذ

تحياتي لك

الأستاذ 12-11-2009 08:57 PM

رد: من أروع قصائد المرحوم رحيم المالكي
 
اقتباس:

المشاركة الأصلية كتبت بواسطة خفافيش المستايا (المشاركة 4594)
قصيدة رائعة وجميلة للمرحوم الشهيد رحيم المالكي


الف شكر اخي ابو علي


الشكر لمرورك الرائع خفافيش

الأستاذ 12-11-2009 08:59 PM

رد: من أروع قصائد المرحوم رحيم المالكي
 
اقتباس:

المشاركة الأصلية كتبت بواسطة كاسر ألاشواك (المشاركة 4656)
قصيده جميله للشهيد رحيم المالكي



عاشت الايادي اخي الاستاذ


تحياتي لك


الشكر لمرورك الرائع اخي كاسر

أبو زهراء 12-13-2009 09:10 PM

رد: من أروع قصائد المرحوم رحيم المالكي
 
هي هاي القصائد الحسينية المطلوبة خصوصا ونحن مقدمين على شهر محرم الحرام بارك ألله فيك وكثر من أمثالك

الأستاذ 12-17-2009 07:38 PM

رد: من أروع قصائد المرحوم رحيم المالكي
 
كل يوم عاشوراء شكرا لمرورك بارك الله فيك

عباس الخفاجي 12-30-2009 05:10 AM

رد: من أروع قصائد المرحوم رحيم المالكي
 
الله ... جميل جدا ... ولوحة رائعة رسمها شهيدنا الغالي رحيم المالكي نسال الله سبحانه وتعالى بحق عطش الحسين ان يرزقه فسيح جناته انه سميع مجيب ورحم الله من قرأ سورة الفاتحة على روحه الطاهرة .


تطوير واستضافة: شبكة جنة الحسين (عليه السلام) للإنتاج الفني

الساعة الآن: 12:42 PM.

Powered by vBulletin 3.8.4 © 2000 - 2024
جميع الحقوق محفوظة لـ: شبكة فدك الثقافية